სიახლეები
16.11.2011 - სიახლე საბუნებისმეტყველო საგნების სწავლებაში
სკოლაში ყოველთვის დიდი ყურადღება ეთმობოდა საბუნებისმეტყველო საგნების სწავლებას. ჩვენი მოსწავლეები ხშირად სტუმრობდნენ უნივერსიტეტების ლაბორატორიებს, იღებდნენ მონაწილეობას ცდების მომზადებაში და ისმენდნენ სხვადასხვა საინტერესო ლექციებს. ამ თანამშრომლობის ლოგიკური გაგრძელებაა, რომ გაფორმდა ურთიერთანამშრომლობის მემორანდუმი საქართველოს პროფესიონალ ქიმიკოსთა ასოციაციასა და სერვანტესის სახელობის გიმნაზია აია-ჯესს შორის.
თანამშრომლობის ფორმები ძალიან მრავალფეროვანია, სადაც გათვალისწინებულია სხვადასხვა საინტერესო ღონისძიებები არამარტო ჩვენი სკოლის მოსწავლეებისთვის, არამედ სხვა დაინტერესებულ მოსწავლეთათვის. მემორანდუმის ფარგლებში უკვე შედგა ერთი საინტერესო ლექცია.
ასოციაციის მხრიდან სკოლას სტუმრობდნენ ასოციაციის თავმჯდომარე პროფ. ელიზბარ ელიზბარაშვილი და ასოც. პროფ. თამაზ ქარქუსაშვილი.
შეხვედრაზე, რომელსაც ესწრებოდნენ გიმნაზიის უფროსკლასელი მოსწავლეები და პედაგოგები, გაკეთდა საქართველოს ქიმიის პორტალის www.chemisrty.ge და მისი პარტნიორი ორგანიზაციის www.chemclub.ge ვებ-გვერდების პრეზენტაცია. პრეზენტაციაზე დაიგეგმა სამეცნიერო-პოპულარული ლექციების ჩატარება როგორც გიმნაზიაში, ისე საქართველოს ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეზე, სადაც მოსწავლეები დაესწრებიან უშუალოდ ექსპერიმენტულ (ლაბორატორიულ) სამუშაოებს.
პრეზენტაციის შემდეგ გაიმართა მრგვალი მაგიდა გიმნაზიის ადმინისტრაციასთან. გიმნაზიის დირექტორმა ქალბატონმა რუსუდან ბოლქვაძემ აღნიშნა, რომ მსგავსი პროექტები დიდ დახმარებას გაუწევს მოსწავლე-ახალგაზრდობაში ქიმიის საგნის პოპულარიზაციას და იგი მაქსიმალურად შეუწყობს ხელს მსგავსი პროექტების განხორციელებას. თავის მხრივ ასოციაციამ თავის თავზე აიღო ვალდებულება, რომ იგი უზრუნველყოფს მოსწავლე-ახალგაზრდობასთან ცნობილი მეცნიერების შეხვედრების ლაბორატორიული ექსპერიმენტების ორგანიზებას, სკოლის პედაგოგებს დაეხმარება მოსწავლეთა მომზადებაში სხვადასხვა დონის კონფერენციებისა და ოლიმპიადებში მონაწილეობისათვის და ა.შ.
28.11.2011 - პედაგოგი კოლუმბიიდან
ჩვენი სკოლის მოწვევით სკოლაში უცხოელ მასწავლებლად მუშაობს კოლუმბიის ეროვნული უნივერსიტეტის წარმომადგენელი ანდრია გონსალესი.
ანდრია საუბრობს ორ ენაზე, ინგლისურად და ესპანურად. ატარებს ესპანური და ინგლისური ენის გაკვეთილებს და საკლუბო მეცადინეობებს. იგი საკმაოდ დაუახლოვდა ჩვენი სკოლის მასწავლებლებსა და მოსწავლეებს. აქტიურად მონაწილეობს შემეცნებით ექსკურსიებში. ანდრია აღფრთოვანებულია...
21.11.2011 - სასწავლო-გაცვლითი პროგრამა ესპანეთში
2011 წლის 19 ნოემბერს სკოლის IX-XI კლასის მოსწავლეები გაემგზავრნენ ესპანეთში, გრანადის საერთაშორისო სკოლაში სასწავლებლად.
18.11.2011 - მაჩაბელას სახელობის ბავშვთა და მოზარდთა რესპუბლიკური თეატრალური ფესტივალი
2011 წლის 14, 15 და 16 ნოემბერს სიღნაღის კულტურისა და ხელოვნების სახლში გაიმართა მაჩაბელას სახელობის ბავშვთა და მოზარდთა რესპუბლიკური თეატრალური ფესტივალი, სადაც მიწვეული იყო ჩვენი სკოლის II კლასის მოსწავლეები, ინგლისურენოვანი სპექტაკლით „პინოქიო“.
პატარა მსახიობებმა მაყურებელთა და ჟიურის წევრთა დიდი სიმპათია დაიმსახურეს და ჯილდოებიც მოიპოვეს.
17.11.2011 - მასწავლებელთა სახლი ჩვენი სახლია
ჩვენი სკოლის პედაგოგებისთვის მასწავლებელთა სახლი პროფესიული განვითარების კერა გახდა. სკოლის პედაგოგები ესწრებიან სხვადასვა ტრენინგებს და აქტიურად ნერგავენ კვალიფიცირებული ტრენერების მიერ შემოთავაზებულ სიახლეებს სასწავლო პრაქტიკაში.
17.11.2011 - ღია გაკვეთილი მეცნიერებთან
VI კლასის მოსწავლეებმა სამთავროს ველის ნამოსახლარი დაათვალიერეს. არქეოლოგიასა და არქეოლოგიური სამუშაოების შესახებ მეცნიერებთან მოკლე შესავალი საუბრის შემდეგ მოსწავლეები არქეოლოგიური იარაღით „აღიჭურვნენ“ და ხელმძღვანელის დახმარებითა და მეთვალყურეობით ჩაებნენ „გათხრებში“. მსჯელობდნენ მოპოვებულ ნივთებზე და აფიქსირებდნენ სპეციალურად მომზადებულ „ნორჩი არქეოლოგის საველე...
16.11.2011 - შემეცნებითი ექსკურსიები
შემეცნებითი ექსკურსია მე-6 კლასელთათვის ჩატარდა შემდეგი მარშუტით: იყალთო, ალავერდი, გრემი. ექსკურსიას ხელმძღვანელობდა გეოგრაფიის პედაგოგი მარინა ხარიტონაშვილი. ექსკურსიის მიზანი იყო: საქართველოს ღირშესანიშნაობების გაცნობა, ტურიზმის განვითარების მნიშვნელობის გააზრება. საჭირო უნარჩვევების შეძენა-განვითარება. მიზნობრივ ჯგუფებად დაყოფილი მოსწავლეები და მშობლები აქტიურად იყვნენ ჩართული დავალებების...
