სიახლეები
30.04.2012 - ოქროს მედლები – ნორჩ მეცნიერთა და შემოქმედთა VI საერთაშორისო ოლიმპიადა
ნორჩ მეცნიერთა და შემოქმედთა VI საერთაშორისო ოლიმპიადაში, რომელიც 27 აპრილს საქართველოს პრეზიდენტმა და პარლამენტის თავმჯდომარემ გახსნეს, 31 ქვეყნის წამომადგენლები მონაწილეობდნენ.
საქართველოს განათლებისა და მეცნიერების მინისტრის მოადგილემ ირინე ქურდაძემ ოლიმპიადის გამარჯვებულები, მათ შორის ჩვენი მოსწავლეები ელენე ხარიტონაშვილი და მარიამ ზედგინიძე ოქროს მედლებით დააჯიდოვა. ვულოცავთ მათ ამ წარმატებას.
ნორჩ მეცნიერთა და გამომგონებელთა საერთაშორისო ოლიმპიადა საქართველოს პრეზიდენტის პატრონაჟითა და განათლებისა და მეცნიერების სამინისტროს მხარდაჭერით ხორციელდება. მასში გამომგონებლური და შემოქმედებითი ნიჭით დაჯილდოებული VII-XII კლასელი მოსწავლეები მონაწილეობენ. ყოველწლიურად იზრდება კონკურსში მონაწილე ქვეყნების რიცხვი და მათემატიკის, ფიზიკის, ქიმიის, ბიოლოგიის, ინფორმატიკისა და საინჟინრო სფეროებში მოსწავლეების მიერ წარმოდგენილი პროექტების რაოდენობა.
ოლიმპიადას დიდი წვლილი შეაქვს კულტურათა და ცივილიზაციათა დიალოგში, რადგან მასში მონაწილე უცხოელი მოსწავლეები ქართულ ოჯახებში ცხოვრობენ და ქართულ ენასა და კულტურას ეცნობიან. სხვადასხვა ქვეყნებიდან ჩამოსული მოსწავლეები ერთმანეთს ცოდნასა და გამოცდილებასაც უზიარებენ.
19.12.2013 - სერვანტესის სახელობის გიმნაზია აია-GESS გილოცავთ დამდეგ შობა-ახალ წელს!
გილოცავთ ახალ წელს და შობის ბრწყინვალე დღესასწაულს. ბედნიერება, წარმატება, კეთილდღეობა იყოს თქვენი და თქვენი ოჯახის მეგზური.
საშობაო არდადეგები გრძელდება 28 დეკემბრიდან 20 იანვრამდე.
17.12.2013 - ოქროს მედლები წარჩინებულ კურსდამთავრებულებს
დღეს ჩვენი სკოლის წარჩინებულ კურსდამთავრებულებს: ჯემალ მანჯგალაძეს, მარი გიგაურს, ნინო უშიკიშვილს, სოფო ლელაშვილს, მარიკა ტყეშელაშვილს და ანა ფანცულაიას საქართველოს განათლებისა და მეცნიერების მინისტრმა თამარ საკინიძემ და მინისტრის მოადგილემ ლია გიგაურმა “განსაკუთრებით ნიჭიერი ბავშვებისა და ახალგაზრდების მხარდაჭერის პროგრამის” ფარგლებში, ოქროს მედლები გადასცეს.
10.12.2013 - სტუმრად ივანე ჯავახიშვილის სახელმწიფო უნივერსიტეტის ორ საინტერესო მუზეუმში
სერვანტესის სახლობის გიმნაზია „აია-ჯესის " XI კლასის მოსწავლეები 2013 წლის 27 ნოემბერს ბიოლოგიის პედაგოგის დარეჯან ლორთქიფანიძის ხელმძღვანელობით იმყოფებოდნენ სტუმრად ივანე ჯავახიშვილის სახელმწიფო უნივერსიტეტის ორ უნიკალურ მუზეუმში: გეოლოგიურ და ზოოლოგიურ მუზეუმში.ზოოლოგიური მუზეუმი დაარსდა 1921 წელს გიორგი ჯავახიშვილის თაოსნობით. განსაკუთრებით დიდია უნივერსიტეტის რექტორის ნიკო კეცხოველის წვლილი...
04.11.2013 - ინტელექტუალური თამაში თემაზე „ჩემი ქალაქი“
2013 წლის 1 ნოემბერს ტრადიციულად ჩატარდა პირველკლასელებს შორის ინტელექტუალური თამაში თემაზე „ჩემი ქალაქი“. მათ მოინახულეს ქალაქის ღირშესანიშნაობები. კონკრსზე ექვსივე გუნდმა კარგი შედეგი აჩვენა. მონდომებისა და შრომისათვის ისინი დასაჩუქრდნენ სამახსოვრო დიპლომებით.
25.10.2013 - ქართული ხელოვნების კვირეული „სიყვარული გზად და ხიდად“
ნოემბრის პირველ რიცხვებში სერვანტესის სახელობის გიმნაზიაში გაიმართება ქართული ხელოვნების კვირეული, რომელიც ეძღვნება ჩვენი მშობლიური კულტურის წარმოჩენა-უკეთ გაცნობას. დაგეგმილია საინტერესო ღონისძიებები, რომელთა იდეური ავტორებიც და შემსრულებლებიც თავად მოსწავლეები არიან. ჩვენ არ შემოვიფარგლებით მხოლოდ „კვირეულით“, ამ პროექტის ფარგლებში ღონისძიებები გაგრძელდება მთელი სასწავლო წლის...
21.08.2013 - სწავლა განახლდება 16 სექტემბერს
ძვირფასო მოსწავლეებო და მშობლებო სწავლა განახლდება 16 სექტემბერს,
მეთორმეტეკლასელთათვის – 2 სექტემბერს.
სასკოლო სახელმძღვანელოების გამომცემლობის ფასებში შეძენა შეგიძლიათ შემდეგ მისამართზე: სავაჭრო ცენტრი „მეგალაინი“, მაღაზია „ლიბრა“ (55ბ პავილიონი). მაღაზია სთავაზობს საკანცელარიო ნივთებსა და მხატვრულ ლიტერატურაზე ჩვენი სკოლის მოსწავლეებს 10-15% ფასდაკლებას.
იხილეთ სახელმძღვანელოების...
